Sambei dik senapei semanei :

Ei……………………………………………….

Au…………………………Ela…………………

Au…………….Pengela…………………………

Pata tangai, pengiran bingin

Pata melokon gedung jagung

Gebak sedina baloi panjang

Nuli menoton raping tune

Lipat tepuk segetar alam

Libar laut pengurak linjang

Tinggi gunung pengirak redai

Bedeting talimu regung

Regung mak pame tagar laut

Kelitang mak pinde burung lating

Celake ade sedikit

Ricang adak pandai menari.

(Penginget : Nembin ngen legau sambei pengela.)

SAMBEI ANDAK

Ayam besu berambai remas

Manok mecer tengah gelanggang

Adik bungsu kuajak cemas

Ku andak tengah gelanggang

Aku regan tengah penian

Bukan andak utang piutang

Diring regan resanan gawen

Andak tepuk kilawan tari

Andak samboi kilawan gandoi

Andak bedak kilawan popor

Andak minyak kilawan buri

Andak bujang kilawan gadis

Andak bujang empat pulu suku

Andak gadis enam belas talen

Bujangla empat pulu suku rindu

Gadisla enam belas talen dendam

Andak adat kilawan ukum

Andak sifat kilawan petali

Sifat benar petali lurus

Ukum adea kerto titing

Titing tulisan dawat alus.

(Penginget : Nembin ngen legau sambei pengela)

SAMBEI MALEM

Tiupne angina laju-laju

Tiupla ne angina laju lasung

Laju kiulak bertanya

Laju ki ricing bertaken

Tanye anye ade selitang-litang

Taken ade segiling-giling

Tanye selitang miang pata

Taken segiling rambut alus

Batang pinang segar selawe

Sebelum nisat jemnang sipat

Dimane ni Allah tarok nyawe.

(Penginget : Nembin ngen legau sambei pengela.) ^{**) Hasan Basri}

Ketumber kanyin sebatang

Pulai ku aran kayu tinggi

Amen lubuk ade bebayang

Ade gik bule sinje pagi

(Penginget : Nembin ngen legau sambei.)

Petun keduwe kali patun

Patun bibik sendaya sindang dayu

Patun seluang tanjung putus

Ndak merkap batu galing

Ndak merapung tube jenun

Ndak ke ilo lupat panjang

Ndak ke ulu bubu beso

(Penginget : Nembin ngen legau sambei.)

Mitek dipetik sijik-sijik

Mitek dibenyer sijik surang

Lamen terti klate ini

Burung ku aran jadi kundang

Adak terti kate ini

Burung ku aran jadi bandung

Jadi ni kundang selame-lame

Jadi ni bandung se umur idup

(Penginget : Nembin ngen legau sambei pengela.) ^{**) Hasan Basri}

SAMBEI NGESIYEN

Berayak ke rimbe-rimbe

Berayun ke rimbe tenag

Ade ari se ari-ari

Ade penemu penemuan

Ade penapat panapatan

Ade telor kanyin sebiji

Senayak senindang-nindang

Senayak di ati tangan

Senindang di ujung jari

Mertas menjadi burung pat

Syeh bername burung Sawi

Duwe bejolok burung lang

Tige bename burung tiung

Pat bejolok burung pungguk

Nganing resula sijik-sijik

Ngunde resula sijik surang

Lamun resula burung Sawi

Mujud ne awak puti kuning

Ngebon ni jarang panau

Puti kuning dede temindak

Jarang panau dede mamang goak

Puti kuningmenindak diwa

Jarang panau temangguak duwate

Badan tu masi ulang juge

Lamun rasula burung lang

Terbang girik-girik

Terbang tu la melambor-malambor

Terbang girik bumi

Terbang lambor langit

Acam ndak mungga langit tuju

Bumi lepas langit dak sapoi

Badan tu mandak tengah-tengah

Lamun rasula burung tiung

Terbang nerkam merkam

Terbang nerkam ponggor

Ponggor reba tiung melayang

Pendek sayap tiung tu reba

Panjang rambai tiung melayang

Lamun rasula burung pungguk

Puas pungguk merindu bulan

Bulan adapt rindu ke tubu

Bitang tu masi jat ati

(Penginget : Nembin ngen legau sambei pengela.) ^{**) Hasan Basri}

Patun keduwe kali patun

Patun ba ume sanding lading

Belarit jelai sebatang

Bepacang kayu serupun

Berembusne ibut dari ilo

Betiup ne angin dari ulu

Padi ilo reba ke ulu

Padi ulu reba ke ilo

Bua dede kesekitang

Dauntu adak beselebor.

(Penginget : Nembin ngen legau sambei.)

Patun budak mengacung rumbai

Patun budak mengacung rumbai jadi

Dede kene disimbak-simbak

Dede buli diraum-raum

Kalau disimbak luke kaki

Lamun diraum luke tangan

Kaki luke jeriji luke

Jari manis milu kedendon

Ibu jari to burung milu kebawen

(Penginget : Nembin ngen legau sambei.)

Pantun keduwe kali patun

Patun caker sanding belubuak

Caker tinggi belubuak renda

Sunggu se imbas lain paras

Sunggu serupe lain name

Patun tanduk besanding gading

Sunggu se imbas lain paras

Sunggu serupe lain name

Gading berege lime ratus

Tanduk berege lime kuwat

Ade gik bule same timbang.

(Penginget : Nembin ngen legau sambei.)

Patun keduwe kali patun

Patun petai di giring tebing

Ndak remonjok kurang pucak

Ndak remambo kurang bunge

Ndak rempang kurang dan

Ndak remdung kurang buah

Ndak alap telaju alai

Ndak galung telaju rukit.

(Penginget : Nembin ngen legau sambei.)

Biduk leban pengayu leban

Leban pule pengacing pitu

Angina deras ibut gemban

Adak teratan nuli rindu

(Penginget : Nembin ngen legau sambei.)

Alangke gilene kau madu sayak

Ndak besarang di tepi ume

Alang ke gilene kau awak

Majak wong agung milu tune

(Penginget : Nembin ngen legau sambei.)

Buruk atap balai piabung

Buruk atap geti lagi

Najin begeti lain musim

Najin betukar lain jolok

Sanu bename rindu jau

Ricang bejolok dendam dak sede

(Penginget : Nembin ngen legau sambei.)

Memulut kapung gemtas

Sumbak keme burung punai

Jeriji alus tating la kipas

Ricang tune berendak kudai

(Penginget : Nembin ngen legau sambei pengela.) ^{**) Hasan Basri}

Setelah laki-laki menyampaikan sambei,dilanjutkan wanitanya membalas jawaban sambei, si wanita boleh menyampaikan sambei pengela atau sambei apa yang di bisa.

Sambei dik senapei selawei

Setawun tunak bewujud

Sebulan matap beajad

Mujudne ari kemujan ari

Mujudne ari kemujan panjang

Ade ari seari-ari bedetas kilat di langit

Bedegur guru di ulu

Banyu dalam pelabor agung

Banyu semipar kiri kanan

Merorot dan kedembe

Meretas dan kertau

Dan kedembe liku tanjung

Dan kertau liku ratau

Seluwang tu laju ke Pelimbang

Bibik sendaya sese anyut

Itu petulung ngen maring bibik

Ane pebatu ngen maring iwak.

(Penginget : Nembin ngen legau sambei.)

Jawab sambei Pulei Sebatang

Betenun tang bedetang

Atasne gunung seati-ati

Amen ade riak kemicang

Basene urung sinjo pagi.

(Penginget : Nembin ngen legau sambei.)

Jawab Peripung kute sambei

(Amen ite coa nam jemawab sambei dik bik senapei kepeak semanei)

Sayang lebat bunge kenidai

Dede terpang mule lidi

Warang menasat dalam redai

Dede tesimbat ole kami.

(Penginget : Nembin ngen legau sambei pengela.) ^{**) Hasan Basri}